Mein Samandar hoon

Mein Samandar hoon 

kahin doob na jaana mujh mein,
tujhe andaza nahi hai meri gehraai ka....

"2 Ajnabi dost"

WAntEd LArkA

Zamane Bhar K Kamon Mein

Zamane Bhar K Kamon Mein,

Bohot Masroof Ho Shayad,

Hamari
Yaad Bhi Ab To,

Tumhen Kam Kam Satati Hai,

Hamara Naam Bhi
Aksar,

Tumhen Ab Bhool Jata Hai,

Tumhari Aankh Ko Ab To,

Koi
Sapna Nahi Dikhta,

Tumhare Dil Ko Bhi Ab To,

Koi Chehra
Nahi Jachta,

Tumhara Naam Lete Thy,

Jo Her Her Saans K
Hamrah,

Jise Tum Dil Ki Her Dharkan,

Ki Tara...h Yaad Rakhte
Thy,

Usi Ko Bhool Jane Ka,

Yehi Matlab Hua Na Phir,

Zamane
Bhar K Kamon Mein

Bohot Masroof Ho Shayad.............

"2 Ajnabi dost"

  ME & YOU

Bheer mein aik ajnabi ka

Bheer mein aik ajnabi ka saamna acha laga
Sab say chup kar woh kisi ka daikhna acha laga


Surmai Aankhon kay neechey phool say khilnay lagay
Kehtay kehtay kuch kissi ka souchna acha laga


Baat toh kuch bhi nahin thi lekin "us" ka aik dum
Haath ko honton pay rakh kar rokna acha laga


Chaa'ey mein cheeni milana us ghari bhaaya bohat
Zair-e-lab woh muskurata "shukria" acha laga


Dil mein kitnay aehad baandhay thay bhulanay kay ussay
Woh mila toh sab iraaday torna acha laga


Uss udoo-e-jaan ko Amjad~ bura kaisay kahoon
Jab bhi Aaya saamnay woh be-wafa acha laga

 

 

 

"2 Ajnabi dost"

WANtEd LArkA

Teray Galay Mein Jo Baahon Ko

Teray Galay Mein Jo Baahon Ko Daal Rakhtay Hein,
Tujhe Mananay Ka Kaisa Kamaal Rakhtay Hein,

Tujhe Khabar Hai Tujhe Sochnay Ki Khatir Hum,
Bahut Say Kaam MuQaddar Pay Taal Rakhtay Hein,

Koi Bhi Faisala Hum Souch Kar Nahi Kartay,
Tumharay Naam Ka Sikka Uchaal Rakthay Hein,

Tumharay Baad Yeh Aadat Si Ho Gayi Apni,
Bikhartay Sookhtay Pattay Sambhaal Rakhtay Hein,

Khushi Si Milti Hai Khud ko Aziyatein Day Kar,
So Jaan Boojh Kay Dil ko Nidhaal Rakhtay Hein,

Kabhi Kabhi Woh Mujhe Hans Kay Daikh Letay Hein,
Kabhi Kabhi Mera Behad Khayaal Rakhtay Hein,

Tumharay Hijar Mein Yeh Haal Ho gaya Apna,
Kisi ka Khat Ho Ussay Bhi Sambhaal Rakhtay Hein,

Khushi Milay Toh Teray Baad Khush Nahi Hotay,
Hum Apni Aankh Mein Har Pal Malaal Rakhtay Hein,

Zamanay Bhar Say Bacha Kar Woh Apni Panaah Mein,
Meray Wajood Kay Tukray Sambhaal Rakhtay Hein,

Kuch Is Liye Bhi To Behaal Ho Gaye Hum Log,
Tumhari Yaad Ka Behad Khayal Rakhtay Hein...

 

 

 

"2 Ajnabi dost"

ALtEr Of FathEr