Teri yaad aur Baraf ka mosam

Teri yaad aur Baraf ka mosam
Sulagta raha dil akylay main
Socha tha ji lon ga
Tujhe say bichar kar
Guzarta Nahin ek DECEMBER
Akylay........!!!!

"2 Ajnabi dost"

03132174713

December say kia poochtay ho

December say kia poochtay ho
yeh tu ik mohar hay
ik seel hay jo zindagi k ik baab par
ik saal k ikhtitam par
Aaj lag jaye gi
poochna hay tu
in dhool uraty March April or September say poocho
October or November ki in udaas shaamon say poocho
ya agar poochna hay tu
January ferwary ki ThiTherti kuhar aalood shamon say poocho
may june july august ki jhulasti weeran dopehron say poocho
woh chehray jo in be-dard maheenon ki bhooki kokh main ja samay
woh yadain
jo ruton ki badalti tareekhon say kita-e-nazar
dil main angaron ki tarah dehakti rahain gi
saal palat saktay hain
din tareekhon ka bhaes badal badal kar aa saktay hain
woh hi har maheenay ki yakam do or phir untees or tees
magar yeh ooper neechay girti tareekhain
din ki kokh say janam laita aik or din
khua kitna hi niya kion na ho
ujla or roshan kion na ho
woh beetay sunahray lamhy
woh mann chahay chehray
woh rooThay bichRay Appnay
woh pyaron ki unbhool yadain
woh meezan-e-amal main beRhtay
har lamhay k khasary ka ehsas
kon sa baras
kon sa din
kon sa pal
phir say mana kar laa sakta hay
apni jholi main bhar kar laa sakta hay
December say kia poochtay ho
yeh tu ik shaam main dhal kar aaya hay
nerm garam yadon ka moonh band sermaya
aakhiri shab December k hawalay kar k
Yakam Janwary main ja samay ga
December say kia poochtay ho

"2 Ajnabi dost"
03132174713

December Muje Raas Aata Nahi

December Muje Raas Aata Nahi

Kai saal guzray
Kai saal beetay
Shab-o-roz ki gerdashon ka tasalsul
Dil-o-jaan main sansoon ki pertain ult'tay hue
Zalzlon ki tareh hanpta hai
Chatkhtay hue khawab
Aankhon ki nazuk raghain cheltay hain
Magr main her ik saal ki goad main jagti subh ko
Be-karan chahton se aati zindagi ki dua de ker
Ab tak wohi justjo ka safar ker raha hun
Guzrta hua saal jaise bi guzra
Magr saal k akhri din
Nihaet kathan hain
Mere milnay walo..!
Nae saal ki muskrati hui subh ger hath aae
To milna
K jatay hue saal ki sa'aton main
Ye bujta hua dil
Dharkta to hai
Muskrata nahi
December Muje Raas Aata Nahi

"2 Ajnabi dost"
03132174713

December Ki Thitherti Aik Shab

December Ki Thitherti Aik Shab
December ki thitherti aik shab woh merey pass ayi
Mujhay kehnay lagi k
Aaj sub kuch chor ayi hoon
Tumharay pyar main saray hi rishtay tor ayi hoon
Woh ghabrayi hui Tooti hui Bhikri hui larki
Mujhay kehnay lagi
Utho!Yahan say door chaltay hain
Bohat hi door chaltay hain
Tumharay bin kisi sooret mujhay zinda nahi rehna
Mujhay zinda nahi rehna Mujhay zinda nahi rehna
Woh zaro zaar ro di
Aur phir mujh main simath ayi
Woh apnay ansoo'on say bus yahi faryaad karti thi
Chalo jaldi karo
Iss sheher say hum bhag chaltay hain
Bohat hi door chaltay hain
Us ik saaet
Yeh mein nay baar_ha socha
K us k kahay per sar jhuka doon main
Yeh socha baar_ha Us ko bhaga kar door lay jaoon
Woh ik tooti hui larki
Woh meray pyar main mehki hui masoom si larki
Mere seenay say lag ker dair tek rooti rahi uss shab
Woh iss ehsas main gum thi
K manzil mil gayi uss ko
Mere khamosh chehray ki taraf woh dekhti
Bus dekhti jati
Us ik saet merey under kayi toofan barpa thay
Na jaanay kis tarha main nay kaha us say
K bus ab laut jao tum
Laut jao...Phir nahi ana
Khudara phir nahi ana
Meri yeh baat sun ker
Us nay bus ik bayyaqeeni say mujhay dekha
Woh lerki shidet_e_Ghem say tarap uthi
Sulag uthi
Woh darwazay ki janib aik dam lapki
Woh larki phir nahi ayi
Woh ik bikheri hui larki
Kabhi wapis nahi ayi
Bohat din baad kal dekha
Usay ik ajnabi k sath gari main
Woh larki kis qadar khush thi
Aur us ki god main piyara sa ik becha humketa tha
Woh larki kis qadar khush thi!
Bohat chaha k mein us ko bhaga ker door lay jaoon
Bohat chaha December ki thitherti raat laut aye"

"2 Ajnabi dost"
03132174713

December ki sard ratoon main

1. 

December ki sard ratoon main
sub apnay apnay bister per
jub meethi neend so rahay hotay hain
lekin main jag rahi hoti hoon
bas yoonhi chat ko taktay rehti hoon
soch ki waadi main utartay hi khiyal us ka ata hai phir yaad bhi woh ate hain
yadoon ke sath hi yeah baat dil main ati hai
kiya wo bhi jagta hoga
kiya mujhay sochta hoga
kiya uski meethi neend bhi
us se rothti hogi
kiya mujh ko dhondta hoga
sard ratoon main…

"2 Ajnabi dost"

03132174713

December jab b lot`ta hai,

December jab b lot`ta hai,
mere khamosh kamre mein,
mere bister pe bikhri hui kitabain,
Bheg jati hain...... !!!

"2 AJnabi dost"
03132174713

December Ab Mat Aana

December Ab Mat Aana
Daikh December!
Ab mat aana
Daikh December!
Mere ander kitne sehra phail chuke hain
Tanhai ki raiit ne mere
Sare derya patt die hain
Ab main hun
Aur mere banjerpan ki bojhal-ta hai
Daikh December!
Teri berfaab shaboon main
Teri bekhawab shaboon main
Khawab sweater kon bunay ga
Rooh k ander girti berfain kon chune ga
Daikh December!
Apne dukh ki barf pehn ker
Dhoop diyaroon tak mat jana
Mere piyaroon tak mat jana
Daikh December!
Ab mat aana
Ab Mat Aana...

"2 Ajnabi dost"
03132174713

December ab k aao tou

December ab k aao tou
Tum us shehar e tamanna ki khabar lanaa
Keh jis mein jugnuon ki kehkashaan jhilmilaati hay
Jahan titlee k rangon say fizaain muskarati hain
Wahan charon taraf khushboo wafa ki hay
Aur us ko jo bhi pooron say
Nazar say choo gia pal bhar
Mehak utha!

December ab ka aao tou
Tum us shehar e tamanna ki khabar lanaa
Jahan per rait k zarray sitaray hain
Gul o bulbul,Mah o anjum wafa k ista’aray hain
Jahan dil woh samandar hay jis k kai kinaray hain!

December hum say na poocho hamaray shehar ki baabat
Yahan aankhon mein guzray kaarwan ki gard thehri hay
Muhabbat barf jaisee hay yahan
Yahan dil k lahoo mein
Apni palkon ko dabo ker hum
Sunehray khawb buntay hain
Phir unhi khawbon mein jeetay hain
Unhi khawbon pe mertay hain
Dareeda rooh ko lafzon say seena gou nahee mumkin
Magar phir bhi!
December ab k aaou tou
Tum us shehar e tamanna ki khabar lanaa!!!

"2 Ajnabi dost"
03132174713

~* Uss Ka chehra *~

~* Uss Ka chehra *~

Apny Ghar Ka
Aik hi Rasta...
Dhoop K teelay
Rait Ka Daryaa,,,
Dewaaron per
Aas Ki Bailein
Sahen K ander
Hijr Ka Poda,,,
Har Kamray Mein
Uss Ki Yaadein...
Sab Chezon mein
Uss Ka Chehra....


"2 Ajnabi dost"
  03132174713

~* Mosam *~

~* Mosam *~

koi shay......
Palat Kr Wapus Nahi Aati
Swaaey Mosmon K.....
Kash......
"Tum" bhi Mosam Hotay....!!


"2 Ajnabi dost"
03132174713

Bay qarar mausam mein

December


Bay qarar mausam mein

Yaad k jharokon se

Phir tumhi se milnay ki

Dil mein kitni khawahish hai

Jo udaas rakhtihai

Asj kal DECEMBER ki

Phir udaas shaamein hain

In ujaarr aankhon mein

Zard zard raatein hain

Barishon k mausam mein

Toot phoot jata hoon

Jab bhi yaad aatay ho

Khud ko bhool jata hoon ..!

"2 AJnabi dost"
03132174713

Bas Itna Yaad Hai...

*** Itna Yaad Hai ***

Bas Itna Yaad Hai...

Dua To Janey Kaunsi Thi

Zahen mein Nahi

Bas Itna Yaad Hai,,,

K Do Hatheliyan Mili Hui Thein

Jin mein aik Meri Thi....

Aur Aik Tumhaari...!!!

"2 Ajnabi dost"
  03132174713

Suno december Usey pukaro

~* Suno december Usey mila do *~

Suno december
Usey pukaro

Usey bula do

Usey mila do

Ab is se pehle k saal guzre

Wahi lakeerein, wahi sitare

Meri hatheli mein qaid ker do

Yeh aakhiri shab k aakhiri pal

Koi bara ikhtatam ker do

Yeh zindagi bhi tamam ker do

Suno december

Usey puakaro

Usey mila do...........

"2 Ajnabi dost"
03132174713

Us ne Apni

^^ Ahmiyat ^^

Us ne Apni
Saari Keemti Cheezen
Utha Kr.....
Sanbhaal LeiN
Siwaye Meray..!!!!


"2 Ajnabi dost"
03132174713

December Jab Bhi Aata Hay

^^ December Jab Bhi Aata Hay ^^

December Jab Bhi Aata Hay

Wo Pagli..!!

Phir se beetay Mosmo Ki

Talkhiyon ko...

Yaad Karti Hay,,,

Purana Card Padhti Hay

K Jis mein

Uss ne Likha Tha...

Main Louton ga December mein

Naye Kaprray Banati Hay

Wo Sara Ghar Sajati Hay

December K Hr Ek Din Ko

Wo Gin Gin Kr Bitaati Hay

Juunhi 15 Guzarti Hay

Wo Kuch Kuch Toot jaati hay

Magar Phir bhi...

Puraane Albumon ko Khol Kr

Maazi bulaati Hay

Nahi Maloom Ye Uss Ko

K Beetay Waqt Ki Khushiyan

Boht Takleef Deti Hain

Mahz Dil Ko Jalaati Hn

Yuunhi Din beet Jaatay Hn

December Lout Jaata Hay

Magar Wo Khush Fahm LaRki

Dobara se Calander Mein

December K Maheeny K

Safhay ko morr Kr phir se

December K Saher Mein

Doob Jaati Hay

K Aakhir uss ne likha Tha

Main Louton ga December Mein..!!

"2 Ajnabi dost"
  03132174713

~* Aaj Kahan Milo Gi Tum..*~

~* Aaj Kahan Milo Gi Tum..*~

Aaj Kahan Milo Gi Tum...??

Batao...!!!

Aaj Kahan Milo Gi Tum...??

Tumhain Ek Phool Dena Hai..!!

Tum Say Ek Ehad Lena Hai

Tumhain Imaan Kehna Hai

Tumhain Dil, Dharkan, Jaan Kehna Hai

Jo Juda Karnay Ki Hain Sazishain

Unhain Bay Jaan Karna Hai..

Haan....!!!

Tum Say Buhat Kuch Kehna Hai

Batao...!!!

Kia Mohabbat Main

Ek Phool Buhat Ho Ga..??

Ya...!!!

Phir Tum Chaand Maango Gi..??

Ya...!!!

Phir Meri Jaan Maango Gi..??

Ya...!!!

Humesha Ka Tum Sath Maango Gi..??

Ya...!!!

Phir Hijr Ka Aazaab Maango Gi..??

Batao...!!!

Kahan Milo Gi Tum...??

Tumhain Ek Phool Dena Hai...!!


"2 Ajnabi dost"
  03132174713

Sawan...

 
Sawan...





Abhi tum sawan ka nazara ker lo

Meri do char baton per guzara ker lo

Apnay dil ka bhi butwara ker lo

Apnay ap ko pehlay humara ker lo

Phir juld dunya say kanara ker lo



"2 Ajnabi dost"
  LovE's PAin

December k haseen din thay

~* Mujasma *~

December k haseen din thay
Murree ki yakh fizaon mein
Humhare chaar haathon nain
Mujasma ek banaya tha
Kaha tha ek dooje ko
Nishani pyar ki apni
Bari he khoobsoorat hai
Mujhe ab yaad aata hai
Mujasma barf ka tha wo
Usse aakhir pighalna tha
Usse to mitt he jana tha..!

 

"2 Ajnabi dost"

   bAbY DoLL