hawa-e-daher ki zad main
kabhi toti tou kabhi bikhri
main waqat ki ankh main thara howa
wo bay rang sa ansoo
kay jis ki manzilain zameen ki panhanyana tharin
main angan ki der o dewar per thara howa
aik ghiza zad mosam
jisay koi dekhna chahay aur
na khohish ho chonay ki
main aik kanch ki gurya
main bay rang sa ansoo
main aik ghiza zad mosam
magar roko , suno aur dekho
main insan bhi tou hoon
meray ahsas kay zakhmi badan ko
naram lafzoon ka marham do
meray bay rang hatoon ko
kabhi tou koi rang day do
mohabat na sahi ,
magar itna hi ker do tum
faqat aitbar ka aik lazawal pal
mujhay day do , mujhay day do
main aik kanch ki gurya
main aik ghiza zad mosam
kho gai hoon dunya ki wasatoon main
dhoondti hoon apnay aap ko in hi wasatoon main
main aik kanch ki gurya
main bay rang sa ansoon
main ghiza zad mosam
bas itna ker do kay
faqat aitbar ka aik lazawal pal
mujhay day do
mujhay day do!!!!
"2 Ajnabi Dost"
No OBbJeCtiOn
