Abbu Ki Yaad

Gulshan ki baharoon main,
Rangeen nazaroon main,
jab tum mujhey dhoondo gay,
aankhon main nami hogi,
mehsoos tumhein har dum,
phir meri kami hogi......

aakash pay jab taaray,
sangeet sunaye gay,
beetay huvay lamhoon ko,
aankhon main sajayein gay,
tanhaye kay sholoon say,
jab aaag lagi hogi
mehsoos tumehin har dum
phir meri kami hogi,

sawan ki ghataon ka
jab shoor suno gay tum,
bikhray huvay maazi kay
avraaq chuno gay tum
mahool kay chehray par
jab dhool jami hogi
mehsoos tumhein har dum
phir meri kami hogi

jab naam mera loo gay
tum kaanp rahay ho gay
aanso bharay daaman say
munh dhaanp rahey ho gay
rangeen ghataon ki
jab shaaam ghani hogi
mehsoos tumhein har dum
phir meri kami hogi............. .

phone aaya hai

Aaj phir uss ka phone aaya hai.......
Aaj phir poocha kasay ho..........
Kia kertay rehtay ho...........
Kiya aab bhi awara phirtay ho..........
Ya chain say ghar main rehtay ho........
Kia aab bhi kisi ki yaad main khoay........
Kaghaz kalay kertay ho.......
Kia aab bhi kisi ko Insha g ki......
Nazmein aor geet sunaya kertay ho..........
Aaj phir uss ka phone aaya hai.........
Aaj phir poocha kasay ho.........
Aab hum uss ko yeh kasay batein kion ker batein..........
K Insha g k mananay walay.......
Chand nager k sodai........
Dil wehshi,thamay donoo hathoon main............
Jungle jungle, sehra sehra..............
Shehroon shehroon, wadi wadi........
Kabhi iss nagri , kabhi uss qaryey main...........
Kabhi iss basti k ek kochay main........
Jis chand ko apnay mun main basa lien..............
Bus uss ko hee talasha kertay hain.........
Chahay apnay ghar k aangen main............
Pora chand hee uttra ho...........
Aab hum uss ko yeh kaisay batein...........

 

 

"2 Ajnabi Dost"

Dnt Belve GurlZz

Koi hath hai

Mera din chupa kisi raat main,
Meri raat chupi kisi baat main,
Meri zindagi koi raaz hai,
Koi raaz hai meri zaat main,
Main jab kabhi bhatak gaya,
Wahin girte girte sambhal gaya,
Mujhe thokaron se pata chala,
Koi hath hai mere haath main.

2 Ajnabi Dost"

   SillY BoY

Woh Janti Thi Mager Phir Bhi

Woh Janti Thi Mager Phir Bhi "
Woh Janti Thi Wafaa Ka Ajar Nahi Hota
Muhabaton Main Sabar Ka Samar Nahi Hota
Woh Janti Thi
Muhabat Dukhon Ka Sehraa Hay
Jehan Serab Si Khushyan Hain
Aur Azaab Say Ghum
Jehan Hay Pyaas Judaai Ki Betahasha Magar
Milan Ki Barishain Hoti Hain Jis Dyar Main Kam
Woh Janti Thi
Muhabat Khiraj Mangti Hay
Woh Jis Ko Dil Ka Lahoo Day Kay Jagmagaya ho
Andheri Rah Kay Lya Woh Chiragh Mangti Hay
Woh Janti Thi
Muhabat Woh Rehguzar Hay Jehan
Bichay Hain Kaanch Judai Kay Beshumar magar
Brehna-pa hi Inhain Paar Kerna Perta Hay
Ghemon Ki Dhoop Main Jab Saibaan Koi Na Ho
Kisi Ki Yaad Ki Chader Ko Taan Ker Khud Per
Tamam Aahain Deba Ker Guzerna Perta Hay
Woh Janti Thi Wafa Ka Ajar Nahi Hota
Muhabaton Main Saber Ka Samer Nahi Hota
Hijer Ki Rah Main Hoti Hay Betahashah ghutan
Wehan Kebhi Bhi hawa Ka Guzer Nahi Hota
Woh Janti Thi Magar Phir Bhi Roag Lay Bethi
Kisi Kay Pyar Main Janay Kun Joag Lay Bethi
Woh Janti Thi Magr Phir Bhi.

"2 Ajnabi dost"

SiLLy BOy

GurIyA KiLLEr

Mera Dil Hotel Ka Kamra

Mera Dil Hotel Ka Kamra

Is Main Aa Kar Rehne Wale

Apni Taza Saanson Se

Is Main khushboo Bhar Dete Hen

Mujh Ko Pagal Kar Dete Hen

Main Ye Sochoon Aane Wale

Ye Sab mujh Main Reh Jaen Ge

Haraf-e-Tamna Keh Jaen Ge!

Lekin Rat K dhalte Hee Ye

Subhen Kali Kar Jate Hen

Kamra Khali Kar Jate Hen


"2 Ajnabi dost"
dnt Belve GurlZz

farz karo

farz karo tum chat per baithe
apne baal sukhatey hoo.

farz karo ke dhoop
ka us din kuch kuch rang gulaabi hooo.

farz karo tum baithe baithe
gehri souch main kho jao.

baal sukhana choord ke sar
ghutnoon pe rakh kar so jao.

farz karo us neend main
tum ne dekha asai sapna hooo.

bekal hokar man ye chahey
kaash ye sapna apna hooooo.

farz karo tum khat likhne ko
kaghaz qalam uthatey hoo.

khat likhne se pehle kaghaz
ko khushboo khoob lagatey hooo.

farz karo alqaab pe aakar
qalam tumhara ruk jaey.

nazar tumhai dhak dhak
karke dil ki janib jhuk jaey.

farz karo aik naam likho
aur likh kar kato phir likho.

farz karo sapne afsane khat
ka naam muhabbat ho.

farz karo hum donon ke dil aik
hi saath dhardakte hooon.

farz karo ye saari baatain
FARZ na karni pardti hoon..!

 

"2 Ajnabi Dost"

   BAbY Doll

Sach Tu Yeh Hai

Sach Tu Yeh Hai k Sach Main Keh Nahi Sakta

sach tu yeah hai k!!
sath main tum aur woh achay nahi lagtay
yeh jabri rishtay mujhhay sachy nahi lagtay

sach tu yeah hai k !!
meray sach per aitbaar kery ga koon
meray sach ko ikhtiyar keray ga kon

sach tu yeah hai k !!
Teri ankhon main Pazerai deikhi thi main nay
khamosh mohabt ki gharai deikhi thi main nay

sach tu yeah hai!!
ab tu Mutah-e-gair hai yah sach jhota ho jaisay
Ghironda-e-dil ojan main kuch toota ho jaisay

Ji chahta hai ka keh doon sab ko
Yeh sab Jhoot hai aur jhoot main seh nahi sakta
mager
Sach tu yeh hai k Sach bhi Main keh nahi sakta


"2 Ajnabi dost"
Dnt BELvE GuRLz

Kaash Mein Tere Haseen

Kaash Mein Tere Haseen Haath Ka Kangan Hota
____________________ __________________

Kaash Mein Tere Haseen Haath Ka Kangan Hota
Tu Bade Payar Say Chao Say Bade Maan K Saath

Apni Nazuk Si Kalayi Mein Chadhati Mujh Ko
Aur Bay Taabi Say Furqat K Khizan Lamho Mein

Tu Kisi Soch Mei Doobi Jo Ghumaati Mujh Ko
Mein Tere Hath Ki Khushboo Say Mehak Jata

Jab Kabhi Mood Mein Aa Kar Mujhay Chooma Karti
Tere Honton Ki Hidat Say Dahak Sa Jaata

Raat Ko Jab Bhi Tu Neendon Kay Safar Pay Jaati
Mar Mareein Haath Ka Takiya Banaya Karti

Mein Tere Kaan Say Lag Kar Kayi Baatein Karta
Teri Zulfon Tere Gaal Ko Chooma Karta

Mujh Ko Bay Taab Sa Rakhta Teri Chahat Ka Nasha
Mein Teri Rooh K Gulshan Mein Mehak Ta Rehta

Mein Tere Jism K Aangan Mein Khanakta Rehta
Kuch Nahi To Ye Bay Naam Sa Bandhan Hota

Kaash Mein Tere Haseen Haath Ka Kangan Hota

 

 

"2 Ajnabi dost"

Dnt bElVe GuLZz

Sahil Ki Geeli Rait Pr

Sahil Ki Geeli Rait Pr

Main Ny Us Sy Poocha,

Tera Mashgala Kia Hai?

US Ny Palkain Jhuka Kr

Muskura Kr,

Mera 'Naam' Likha Aur Mita Dia...!! 

 

 

'"2 Ajnabi dost"

GurIyA KillEr

"Kash"

"Kash"
Sapnay Haqqiqat Hotay
Me har Sapnay Me Tujhe Dehka Kerta

"Kash"
Zindgi Me Har Dua Me Pori hoti
Me Har Dua Me Tujhay Manga Kerta

"Kash"
Zindgi Wafadar Hoti
Me Sari Zindgi Tera Sath Nibhata

"Kash"
Zindgi Me Lafaz

"Kash"
Na Hota......


"2 Ajnabi dost"
GurIyA KiLLEr

"Tum Rehti Ho !!!!"

"Tum Rehti Ho !!!!"

itni bari in dunyaaon main
apne naam ki takhti waali aik imaarat
kitnay dukhon ki eenten chun kar
ghar banti hain.......
pathar pathar jorr k dekho
mai ne bhi ik ghar hai banaya
rangon,phoolon,tasve eron se iss ko sajaya
darwaaze ki loh per apna naam likhaaya
lekin iss k har kamray main
"tum rehti ho"

 

 

"2 Ajnabi dost"

ME & YOU 

Muhabat Ussey Bhi Thi

Zikar-e-Shab-e-Firaaq Say Wehshat Ussey Bhi Thi..!!
Meri Tarah Kisi Say Muhabat Ussey Bhi Thi...!!

JiNNU

Zindagi se nibat raha hon abhi
Moot kiya hey meri bala janey 

Us se bichra hon tu

Us se bichra hon tu filhal sukon hai dil ko
aur kuch roz guzar jain tu....
Phir baat karon!
Zindagi uski rafaqat main jo guzri kya thi?
Zindagi thi ya bhayanak sa koi sapna thi
khwab tu khwab hain
achey bhe tu hoty hon gay
mere hisay ke haseen khwab churaey kis ne
mere apne thay mujh se paraey kitney?
Akhir ik roz jaza aur saza bhe tu ho gi
main jo insaf ka talib hon
tu kyon fiqer karon....
Maslihat ka hai takaza ke yunhi
khamosh rahon
aur
dekhon mere khwab haseen thay bhe ya nahe?
Ya
kamzor si takhliqe thay wo ke....
Wo aaya bhe aur chala bhe gaya
ab tu ye sazza hai ke
na usey dekhon na baat karon
shayaad!
Ho is terha meri jaan ko sukon
sukon!
Jo roth gaya hai mujh se
na neend hai na khwab hain
main kya dekhon main kya soochon?
Main kis se sawaal karon ke
akhir kyoun??????

"2 Ajnabi dosT'

  I HATE GIRLZz

tera aks chalakta hay.......

Aaj socha k ik nazam likhon
jiss ka unwaan kuch bhi ho, koi bhi ho
jessay sochty sochty soch ka
zaavia badalta hay
aaj ussi tarah is nazam ka
unwaan sochty lamhay bhar ko
tera khiyaal aayaa
keh, kiya likhon jo tujy amar kar don
apni ankhon main ubharta kajol kar don
apni sooni kalai ka kangan kar don
baar haa hum nay chaha k
apny seenay main chupa ker dharkan kar don
phir khiyal aaya keh
unwaan jo bhi ho
socha ka zaavia jesay bhi badalta ho
meri kalam ka her nukta
sirf,
teri janib hi rukta hy keh
dill or dharkan
ankh or kajal
kalai or kangan in sab main
tera aks chalakta hy
aaj phir likhaty likhtay
hum nay jaan liya keh
is nazam ka unwan kia hay
wohi hy mera wajood k jiss main
bas,
ji


"2 Ajnabi Dost"
   ME & YoU

Sun lia hm ne faisla tera

Sun lia hm ne faisla tera
orr sun kr udaas ho bethy
zehan chup chup, ankh khali hy
jesay hum kainaat kho bethy

dil yeh kehta hai, zabt lazim hai
hijr k din ki dhoop dhalnay tak
aitaraf-e-shikast kia krna?
faisly ki ghari badalne tak

abb charaghan karain hum ashkon se
ya manazir bujhy bujhy dekhain
ik taraf tu hai, ik taraf dil hai
dil ki manain k abb tujhy dekhain?

tujh ko paya to chaak see lain gay
ghum bhi amrat samajh k pee lain gy
werna yun hy k daman-e-dil main
chand sansain hain, gin k jee lain gy 


"2 Ajnabi dost"
  HuM TuM

jinnu

www.jinnurider.tk

Ek bhegi hui si raat mile

Ek bhegi hui si raat mile
us raat me tera hath mile

tere lab se tapken jo bonden
unhe mere labon ka sath mile

kuch tum bi behke behke se
kuch mujh pe nasha sa tari ho

har pal me chaye madhoshi
Ek aisi raat hamari ho

phir tum aao meri bahon me
main pyar karon tumhe ji bhar ke

tum mujhse thora sharma jao
sharma k galay se lag jao

main jitna tumko pyar karon
tum itne hi betab ho jao

hamein pyar k kuch lamhat milen
Ek bhegi hui si raat mile….!


"2 Ajnabi dost"
 ! HATE GiRLZz

Ek Raat Chahiye

Ek Doje K Ho Jain Hamein Aisi Haseen Ek Raat Chahiye”

Jese Phool Se Juda Hoti Nahi Khushbu”

Mujhe Aisa Tera Saath Chahiye”

Mere Liye Na Sahi Zamane K Liye Sahi”

Mere Haathon Me Hona Tera Haath Chahiye”

Dil Se Mil Jai Dil Sada K Liye”

Han Aisi Hi Haseen Mulaqat Chahiye”

Raat To Aati Hai Har Subha K Baad”

Raat Me Bhi Honi Kuch Baat Chahiye”

Zabardasti Ka Pyar Bhala Kis Kaam Ka”

Tera Pyar Mujhe Dil Se Din Raat Chahiye” …

"2 Ajnabi dost"

KiLLinG AtTiTudE

Ik arzoo ha

Ik arzoo hai puri parwrdgar kre,
Mein dair say jaon wo mere intzar kre,

Apne hathon say sanwarun zlfein uski,
Wo sharma ker mhabat ka iqrar kre,

Lipat jay mujhse aalm e madhoshi mein,
Or josh e janun mein mohabaat ka izhar kre,

Ho shab e wisal ya RAB!,
Kia bheegi zulfon say mujhe bedaar kre,

Jab usay chor k jana chahun Wasi,
Wo rokay or ik raat ka israr kre,

Qasam khada ki main kisi or ka ho nahi sakta!
Ya wada e wafa wo bar bar kre…


"2 Ajnabi dost"
i HATE GIRLZZ

TUMHEN KIS NE KAHA THA ...?


dopehar ke garm suraj ki taraf dekho
or itni der tak dekho ...?
ke binayi pighal jaye



TUMHEN KIS NE KAHA THA ...?


asman se toot'ti andhi ulajhti bijliyon se
dosti kar lo
or itni dosti karlo
ke ghar ka ghar he jal jaye


TUMHEN KIS NE KAHA THA ...?


ek anjaane safar main
ek ajnabi ke hamrah door tak jao
or itni door tak jao
ke woh rasta badal jaye


TUMHEN KIS NE KAHA THA ...?


"2 Ajnabi Dost"
I HATE GiRLZz

Khabhi milein phir ?

Khabhi milein phir ?

Khabhi milein phir
Ussi terhan
Ussi jagha
Unhi lamhoon main
Ore unhi lamhoon ki lazaatoon main
Wahi khush gumaniyun k chaand
Wahi bad-gumaniyun k bhanwar
Wahi madd-o-juzer rafaqatoon k
Wahi azaab raqabatoon k
Main kisi sey koi kahani khaoon
Tum kisi sey koi kahanai kaho
Ore
Asal main aik kahani ho
Jo apni ho
Khabhi milein phir ussi terhan, ussi jagah ?


"2 Ajnabi dost"
 ! HaTE GiRLzz

tum ai ho to kya ai ho

Ab meray Pass tum ai ho to kya ai ho
Main nay ma'na k tum ek pekar e ranai ho
Chaman e dehar main roh e chaman aarai ho
Talat e mehar ho firdos ke barnai ho
Bint e mahtab ho gardo say utar ai ho
Mujh say milnay main ab andesaha e ruswai hy
Main ny khud apnay kye ke ye saza pai hy
Ab meray pass tum ai ho to kya ai ho
Un dino mujh pay qyamat ka jano ta'ri tha
Sir py sir sharyu ishrat ka janu ta'ri tha
Mah paro say muhabat ka janu ta'ri tha
Shaheryaro say raqabat ka janu ta'ri tha
Bistar e makmal o sand'yab the dunya meri
Ek rangeen o hassen khwab the dunya mere
Kya sunu ge meri majroh jwani ke pukar
Meri faryad e jigar dooz mera na'la e zaar
Shidat e karb main dobi hoi meri guftar
Main k khud apnay mazak e tarab’ahi ka shikar
Wo gudaz e dil marhom kahan say lao’n
Ab main wo jazba e masom kahan say lao’n


"2 Ajnabi Dost"
Dnt Belve Girlzz

Jo log jaan boojh k naadaan

Jo log jaan boojh k naadaan ban gaye
Mera Khayal hai k wo insaan ban gaye

Hum hasher mein gaye magar kuch na pochiye
Wo jaan boojh ker wahan anjaan ban gaye

Hansatay hain hum ko dekh k arbaab_e_aagahi
Hum aap k mizaaj ki pehchaan ban gaye

Manjh_dhaar tak pohanchna to himmat ki baat thi
Saahil k aas paas hi toofaan ban gaye

Ensaaniyat ki baat to etani hai sheikh jee
Bad_qismati say aap bhi insaan ban gaye

Kaantay bohat thay daaman_e_fitarat mein aye Adam
Kuch phool aur kuch meray armaan ban gaye.... .

 

 

"2 Ajnabi dost"

Dnt BeLve GiRLzz

Kaat Kr Haath Mery

Chand Manga Na Koi Chand Nagar Manga Tha,
Andhi Nagari K Liye Noor-E-Sehr Manga Tha.

Phenk Deen Noch K Maali Ne Zubanen Un Ki,
Chand Chirriyon Ne Chèhakny Ko Shijr Manga Tha.

Piyar Se Hum Ne Banaya Tha Sahil Pe Kabhi,
Raat Bachon Ne Wohi Rait Ka Ghar Manga Tha.

Zard Mosam Ki Hawaon Ne Usy Ghair Liya,
Jis Ne Gulshan Mein Baharon Ka Guzar Manga Tha.

Kaat Kr Haath Mery Rakh Diye Mery Aagay,
Koi Tawan Nahi Ajar-E-Hunar Manga Tha.

Na Jany Kis Liye Waqt Khafa Hai Mujh Se,,
Main Ne Sookhy Hovy Pairron Se Samar Manga Tha...

"2 Ajnabi dost"
 GurIyA KiLLEr

Choom k maatha mera

Choom k maatha mera roz jagaye koi
Uth k dekhoun to nazar b nahee aaye koi

Paa'oun uthtay hee chale jatay hain jungle ki taraf
Mujh ko manoos si awaz bulaye koi

Log aate hain , thehertay hain, chale jatay hain
Aisa lagta hai mujhe main siraye koi

Behso ' takrar munasib nahee khud se har waqt
Mujhko is baat ka ehsas dilaye koi

Apni nazroun se kisi roz mujhe der talak
Kis tarah main nazar aata houn dikhaye koi

Har kadam per mujhe lagta hai k gir jaounga
Hosla mera lagataar barhaye koi

Aise halaat main kya kerna hai main janta houn
Mujhko jeenay ka saleeka na sikhaye koi

Chand ko khirki k us paar main kab tak dekhoun
Mere kamre main diya aa k jalaye koi

Khud se main rooth gya thaa magar ab chahta houn
Kisi din mujh se meri sulah karaye koi

"2 Ajnabi Dost"

Dnt BelEve GurLZ

ik Hunar Tha Kamal Tha Kia

ik Hunar Tha Kamal Tha Kia ? Tha

Mujh Me Tera Jamal Tha Kia ? Tha

Tere Jane Pe Ab Ke Kuch Na Kaha

Dil Me Dard Tha Malal Tha Kia ? Tha

Barq Ney Mujh Ko Kar Dia Roshan

Tera Aks-e-Jalal Tha Kia ? Tha

Hum Tak Aaya Meher-o-Lutf-o-Karam

Tera Waqt-e-Zawaal Tha Kia ? Tha

Jis Ne Tayh Se Mujhe Uchaal Dia

Doubney Ka Khayaal Tha Kia ? Tha

Jis Pe Sare Aehd Bhool Gaya

Bhool`Ney Ka Sawaal Tha Kia ? Tha

Titliyan Thy Hum Aur Qaza Ke Pas

Surkh Phoolon Ka Jaal Tha Kia ? Tha

"2 Ajnabi dost"

Dnt Belve GiRlZ 

Kabhi apni hasi par

Kabhi apni hasi par aataa hai gussaa,
Kabhi saare jag ko hasaane ko jee chaahtaa hai..

Kabhi rota nahi main badi badi baaton par,
Kabhi yun hi aansoo bahaane ko jee chaahtaa hai..

Kabhi accha lagtaa hai aakash mein udnaa,
Kabhi kisi bandhan mein bandh jaane ko jee chaahtaa hai..

Kabhi apne bhi lagte hain begaane se,
Kabhi begaano ko bhi apnaane ko jee chaahtaa hai..

Kabhi mann chaahe saaree duniyaa ki daulat,
Kabhi apni bhi gawaane ko jee chaahtaa hai..

Kabhi mann chaahe nayaa jeevan,
Kabhi ise bhi mitaane ko jee chaahtaa hai..

"2 Ajnabi Dost"

JiNNU FeRRARi 

teray Haathon Mein

teray Haathon Mein Pighal Janay Ko Jee Chaahta Hai
Aatish E Shook Mein Jal Janay Ko Jee Chaahta Hai

Tujh Se Ek Raaz Ki Sarghoshi Bhi Karna Chaahon
Phir Wohi Raaz Nighal Janay Ko Jee Chaahta Hai

Dil Yeh Chaahay K TeraY Dil Mein Rahon Dil Ban K
Phir Ussi Dil Se Nikal Janay Ko Jee Chaahta Hai

Wehshat Abaad Makaanon Mein Jee Nahi Lagta
Shehar Se Door Nikal Janay Ko Jee Chaahta Hai

Hum Se Yeh Rasm Ki Zanjeer Bhi Kab Toot Saki
Dil Ki Zid Par Machal Janay Ko Jee Chaahta Hai

"2 Ajnabi dost"
Dnt Belve GURlzzz 

Wo Tera Sharam se guzar jana

Tera Muskurate hoye aana Hum ko acha laga
Wo Tera Sharam se guzar jana acha laga

Door se Dekhna wo Tera Pass aa ker
Nazrain Jhukana acha laga

Wo jo Barson se Tere Seene mai Qaid hai
Aankhon se batana acha laga

Tera jate waqt Murr ker na dekhna
Phir Qadmon ka Ruk jana acha laga

Tu Falak ki tarha chaya tha Mujh per
Aaj wo Falak ka Toota Tara acha laga


"2 Ajnabi dost"
Dnt BelVe GiRLZz 

Tu ne dekhe hain

 

Tu ne dekhe hain kabhi jhulaste sehra main darakht
Aise jalte hain wafaon ko nibhane wale

Meri Jaan Ho Gayi Hogi

Raah Aasaan Ho Gayi Hogi,
Jaan Pechaan Ho Gayi Hogi,

Phir Palat Kar Nigah Nahi Aayi,
Tujh Pe Kurbaan Ho Gayi Hogi,

Teri Zulfon KO Cheraati Thi Saba,
Khud Pareshaan Ho Gayi Hogi,

Mout Se Tere Dard-Mandon Ki,
Mushkil Aasaan Ho Gayi Hogi,

Unse Bhi Cheen Logay Yaad Apni,
Jinkaa Imaan Ho Gayi Hogi,

Dil Ki Taskin Puchtay Hain Aap,
Haan Meri Jaan Ho Gayi Hogi,

Marnay

 Walon Pe "GurIyA" Hairaat Kyun,
Mout Aasaan Ho Gayi Hogi......!!!!!

 

"2 Ajnabi dost"

GurIyA KiLLEr 

Khud se hath milanay

Khud se hath milanay ki bari koshish ki Apna app mananay ki bari koshish ki Kuch dair chand ko dakha phir hath laganay ki bari koshish ki Wo had se ziyada phir yad aye Phir ghunghunanay ki bari koshish ki Anso ghul na paya mari ankh main Kal milanay ki bari koshish ki Nikal gaye mere zahan se sabi rastay main ne phir be janay ki bari koshish ki Dard shidat se mar gaya mera kal bachanay ki bari koshish ki bat karnay ka saleqa ni ata phir be khud ko samjanay ki bari koshish ki

Meri MAA Hai

"Main" Ek "DIL" Hon,
Meri "Dharkan" Meri MAA Hai,

"Zindagi" K "Asman" Par "Main" Ek "Chand" Hon,
Jiski "Chandni" Meri MAA Hai,

"Main" Ek Khubsurat "Aankh'' Hoon,
Mera "Noor" Meri MAA Hai,

"Main" Ek "Rooh" Hon,
Meri "Jaan" Meri MAA Hai.....!!!

 

 

"2 Ajnabi Dost"

Mama Say Avoid GiRLZ 

MUHABAT DAIRY NEHI HAE

MUHABAT DAIRY NEHI HAE

Muhabat dairy hargiz nehi hae
Jis mein tum likhoo
K kal kis raang k kaprey pehanney hain ?
Kon si khushbu lagani hae ?
Kisey kia baat kehn i hae ?
Kon si chupani hae
Kehain kis pairh k saye taley milna hae ?
Mill kar puchna hae
KIA TUMHAIN MUJH SEY NUHABAT hae ?
Yeh farsuda sa jamlaa hae

Magar phir bi yehi jumlaa
Darichoon , aankhoon , Sarkoon ,
galii kochoon main Chobaroon mein
Chobaroon ki siriyuon mein
Har jaghaa koi kisi sey keh raha hae

Kia tumhain mujh se Muhabat hae ?
Muhabat hargiz dairy nehi hae
Jis mein tum likhoo
Tumhain kis waqt kis sey kis jagha milna hae
Kis ko chorna hae ?
Kahaan par kis tarhaa ki guftagu karni hae
Yaa khamosh rehna hae
Kisi k sath kitni duor jana hae
Aur kab loot aana hae
Kahaan aankhain milani hain
Kahaan palkain jhukana hae
Yaa yeh likhoo k ab ki bar jab woh milney aaey ga
Toh ous k hath apne hath mein lay kar
Dhanak chehrey pe roshan jagmagati , raqss karti
Ous ki aankhoon mein utarr jain gaey
Aur phir sehraa Gulshan-o-sehraa k . . .
bichoon bich dil ki saltanat mein khaak urain gaey
Boaht mumkin hae woh ujlat mein aaey
Aur tum ous ka hath hathoon mein na lay paoo
Na aankhon mein he jhankoo Aur na dil ki saltanat ko fathaa kar paoo
Jahaan pe ghuftagu karni hae tum khamosh ho jaoo
Jahaan khamosh rehna ho wahaan tum boltey jaoo
Naiy kaprey pehan kar ghar sey nikloo meily ho gaoo
Koi khushbu lagany ka irada ho toh shishi hath sey gir jaey
tum viraan ho jaoo
Safar karney sey pehley baysir o samaan ho jaoo
Muhabat Dairy nei hae Aab e joh hae
Jo diloon k darmiyaan behti hae Khushbu hae
Kabi palkoon pe lehraey toh ankhain hassney lagti hain
Jo aankhan mein utarr jaey toh manzar
aur pas manzar mein shmmain jalney lagti hain
Kisi bi raang ko chuuh loh
Wohi dil ko gawarah hae
Kisi matti mein mill jaey
wohi matti sitaraah hae 





"2 Ajnabi DosT"
 I HATE GiRLZz

Aye Khuda

خداوندا! تری مرضی
تُو جو بھی امتحاں لے لے
نہیں ہم جانتے جن کو
انہی کا ہمسفر کردے
جو اس جیون سے پیارے ہوں
انھیں ہم سے جدا کر دے
تری مرضی خداوندا
تُو چاہے آگ پانی ہو
تُو چاہے برف جلتی ہو
تُو چاہے پُھول چُبھتے ہوں
تُو چاہے خار خُوشبو دیں
جسے چاہے بتا دے تُو
محبت کس کو کہتے ہیں
جسے چاہے سِکھا دے تُو
عبادت کس کو کہتے ہیں
جسے چاہے ملا دے تُو
جسے چاہے جُدا کر دے
وہ جس نے غم نہ دیکھے ہوں
اسے غم آشنا کر دے
تری مرضی تُو بِن مانگے
سبھی کچھ ہی عطا کر دے
تری مرضی خداوندا
تُو چاہے سب فنا کر دے
خداوندا! تری مرضی
تُو جو بھی امتحاں لے لے
ہمیں جس حال میں رکھے
فقط اتنی گذارش ہے
تُوجو بھی امتحاں لینا
ہمیں بس سُرخرو کرنا

"2 Ajnabi dosT"
KiLLiNg AtTiTudE 

Maa Baap

Jab TuPaida Huwa KitnaMajboor Tha
Yeh Jahan Teri SochSe Bhi Dour Tha...

Haath Paaon Bhi TabTere Apne Na Thay
Teri Ankhon MainDuniya Ke Sapne Na Thay...

Tujh Ko Aata SirfRona Hi Tha
Doodh Pi Ke KaamTera Sona He Tha...

Tujh Ko ChalnaSikhaya Tha Maa Ne Teri
Tujh Ko Dil MainBasaya Tha Maa Ne Teri...

Maan Ke Saye MainParwan Chadne Laga
Waqt Ke Sath QadTera Badne Laga...

Ahista Ahista TuKariyal Jawan Ho Gaya
Tujh Pe Saara JahanMeharban Ho Gaya...

Zor Bazoo Pe Tu BaatKarne Laga
Khud He Sajne LagaKhud Hi Sanwarne Laga...

Ek Din Ek LadkiTujhe Bha Gaye
Ban Ke Dulhan WohTere Ghar Agayi...

Apne Farz Se Tu DoorHone Laga
Beej Nafrat Ka KhudHi Tu Bone Laga...

Phir Tu Maa Baap KoBhi Bhulane Laga
Teer Baton Ke PhirTu Chalane Laga...

Baat Be Baat Unn SeTu Ladne Laga
Qayda ek Naya TuPhir Padne Laga...

Yaad Kar Tujh Se MaaNe Kaha ek Din
Abb Humara GuzaraNahi Tere Bin...

Sunn Ke Yeh Baat TuTesh Main Agaya
Tera Gussa Teri AqalKo Kha Gaya...

Josh Main Aake Tu NeYeh Maa Se Kaha
Main Tha Khamosh SabDekhta Hi Raha...

Aaj Kehta HoonPeecha Mera Chor Do
Jo Hai Rishta MeraTum Se Woh Tod Do...

Jao Ja Ke Kahin KaamDhanda Karo
Log Marte Hain TumBhi Kahin Ja Maro...

Bait Kar AahenBharti Thi Maa Raat Bhar
Inki Aahon Ka TujhPar Howa Na Asar...

Ek Din Baap teraChala Rooth Kar
Kaise Bikhri ThiPhir Teri Maa Toot Kar...

Phir Woh Bhi Bas kalKo Bulati Rahi
Zindagi Isko Har RozSatati Rahi...

Ek Din Mout Ko BhiTaras Agaya
Iska Rona BhiTaqdeer Ko Bha Gaya ...

Ashk Ankhon MainThay Woh Rawana Howi
Mout Ki Ek HichkiBahana Howi...

Ek Sukoon Us keChehre Pe Chane Laga
Phir Tu Mayyat KoUski Sajane Laga...

Muddatain Ho GayiAaj Budda Hai Tu
Tooti Khatiya PePada Bora Hai Tu...

Tere Bacche Bhi AbbTujh Se Darte Nahi
Nafraten Hain,Muhabbat Woh Karte Nahi...

Dard Main Tu PukareKe O MERI MAA
TERE DAM SE ROSHANTHE DONO JAHAN...

Waqt Chalta RahtaHai Waqt Rukta Nahi
Toot Jata Hai Woh JoKe Jhukta Nahi...

Bann Ke Ibrat Ka TuAbb Nishan Reh Gaya
Dhond Zor Tera KahanReh Gaya ...

Tu EHKAM-E-RABBIBhulata Raha
APNE MAAN BAAP KO TUSATATA RAHA...

Kaat Le Tu Wohi TuNe Boya Tha Jo
Tujh Ko Kaise MileTu Ne Khoya Tha Jo...

Yaad Kar Ke GayaDor, Tu Rone Laga
Kal Jo Tu Ne KiyaAaj Phir Hone Laga...

Mout Mange TujheMout Aati Nahi
Maa Ki Surat NigahonSe Jati Nahi...

Tu Jo Khanse TuAulad Dante Tujhe
Tu Hai Nasoor SukhKon Bante Tujhe...

Mout Ayegi Tujh KoMagar Waqt Par
Bann Hi Jaye GiQabar Teri Waqt Par...

QADAR MAA BAAP KIAGAR KOI JAAN LE
APNI JANNAT KODUNIYA MAIN PEHCHAN LE...

Aur Leta Rahe WohBadoan Ki Dua
Osi Ke Dono Jahan,Uska Ka Haami KHUDA...

Yaad Rakhna Tu ASMANKi Is Baat Ko
Bhool Na Jana REHMATKI BARSAT Ko . . . . 

"2 AJNABI dosT"
   I HatE GiRLzz








+(( +(( +((

Allah meri maa aur mere baap ko sehat day,aur un ka saya mere sar par hamesha kaeem

rakh , mere maa baap ki sare dukh dard dour farm aur mere maa baap ko muj say khair atta kar

AMEEN INSHALLAH.
 

Suppose

Suppose Ap Mere Sth Raat k 3 Baje Akelay
Ghar Mein Bina Light K Chatt Ki Sedhiyon Par

Bethy Batain Kr Rahy Ho,Itne Mein Niche Ghr 
Mein Phone Bjta Hai,


Ap mjhse Wapis Aane Ka Waada Kr K
Phone Atnd Krty Ho Jo Mere Ghr Se

Ap Ko Yh NewZ Milti hai k 5 Gante
phle Meri Maut Ho gye Hai.. . .


Kia Ap Wapis Upr Ao Gy.....?




Agr Han To Q...?
Aur Nahi To Q...?




Reply Kar k zaroor bata  03132174713