""Wo kheti thi.....!

""Wo kheti thi.....!

Wo Kehti Thi
Jaaye ja kar shirt utarain
dosri pehne
yeh tu match nahi karti hai
jaaye ja kar tie lagaye
purple tie
shoe tu maine raat hi polish kar dalay the
phir yeh aap ne kyun pehne hain
dekhaye sox thi thik nahi hain
phir jab mai yeh sab kuch kar k chalne lagta hon
is k hontho par bosa karta
aur usey bahoon mai bharta
masnoee ghabrahat aurh k sar goshi mai mujh se
kehti
theraye theraye

soooo soo

yeh khusbooo
thorda sa perfume tu karle
maana aap saada hain
lekin jaana!!!!
office janay se pehle tu
apne baal banaya kijiye

AUR AB

meli shirt aur udhre kaaj
melay kular button khule hain
tie nahi hai shave bharhi hai
baal uljhay hain

ankhain neend se bohjal hain aur
jotay par bhi gird jammi hai
is huliye mai ghar se nilkla tu yaad aaya
wo kheti thi

"2 Ajnabi dost"

  LovE's PAin

December aaj kyuuN udaas hai

December aaj kyuuN udaas hai

December aaj kyuuN udaas hai
Mere' liye

Ya phir us ke liye

Jis ke dard ki wajha se

Us ki shaam sard

Aor kaali hai

Ya phir

Wo jo mujh se bichaR chuke'

Wo kaheiN

Bohat udaas haiN


"JiNNU FERRARi"
03132174713

*'*'*'SUNO*'*'*'*'

*'*'*'SUNO*'*'*'*'

Suno naraz ho hum se
Magar hum woh hain
Jin ko to manana bhi nahi aata
Kisi ne aaj tak hum se mohabat jo nahi ki hai
Mohabat kis tarah hoti
Hamaray shehar k atraaf main to sakht pehra tha
Khizaaon ka
Aur uss ki faseelain zard bailoon se ladi thin
Aur un main na koi khushbu
Na koi phool tum jaisa
K mehak uthtay hamaray dil o jaan
Jis ki qurbat se
Hum aaisay shehar e pareshaan ki veraan galion main
Kisi sukhay huay zard patay ki tarah se thay
K jab zaalim hawa
Hum pe apna qadam rakhti thi
To uss k paaon k neechay hamara dam nikal jaata
Magar pat jhar ka woh mosam
Suna hai tal chuka hai ab to
Magar jo haar hona thi
So woh to ho chuki hum ko
Suno haaray huay loogon se to rootha nahi kartay ! ! !

"2 Ajnabi dost"

   LovE's PAin

Tumhain main bhool jaon ga

Tumhain main bhool jaon ga. . . . . /

 tumain kis nay ye keh dala
keh tum ko bhool jaon ga
tumhain maloom bhi hai ye
ke tum ye janti bhi hoo
tumharay bin adhoora hoon
khafa ho jatay ho jab tum
aur hum se dour jatay hoo
ye sansain ruk se jati hian
tumhain wapis bulati hain
ager main raat ho jaon
tum us raat ka chand ho janan
aur jab chand na ho ga
too koi raat kia hoo gi?
ager main jism ban jaon
to tum rooh ho meri
jism aur rooh ka nata purana hai
tumhain itna batana hai
gar rooh jism se aazad ho jaye
too baqi kuch nahi rehta
jism ka ik dhair rehta hai
jo thori dair rehta hai
too kyon ye sochti hoo tum
ke tum ko bhool jaon ga
jo mera tum se nata hai
usay qaim hi rehna hai
tumhain itna batana hai
tumhain itna hi kehna hai
tumharay bin adhoora hoon
too kyon ye sochti hoo tum
tumhain main bhool jaon ga

"2 Ajnabi Dost"

  LovE's PAin

Ek gulab tha. . . ./

Ek gulab tha. . . ./

Bara odas tha
Rang bhi us ka tha kuch ora ora sa
Shabnam ke ansoo rawan thay us ke
Dil tha us ka kuch bujha bujha sa
Bahar ka tha mosam phir bhi na khila tha
Dali say tha who apni kuch jhuka jhuka sa
Main nay jo dekha usay
Pass ja k pocha us say
Kyon hai odas tu?
Kyon kerta ha dil barbaad tu?
Kis ko kerta hai yaad tu?
Yeh sun ker who ronay laga
Shabnam ke ansoo say moon dhonay laga
Or rotay rotay bas yeh kehnay laga
Mera yaar mugh ko choor gaya hai
Mera pyaar mujh say maun moor gaya hai
Aab main kis ke liyay khil jaoon
Aab main kis ke liyay khushboo mahkaoon
Mujhe koon apnay dil say lagaye ga
Mujh ko koon apni sansoon may basaye ga
Mera chaman ojar gaya hai
Mera yaar mujh say bichar gaya hai
Bas aab to her lamhay us ki yaad hai
Bas baqarari hai, tarap hai faryaad hai
Mujh ko koi meray yaar say mila dai
Mujh ko koi mera pyaar lota dai
Woh aayey ga tu khil jaoon ga maiN
Apni zindagi say mil jaoon ga main

"2 Ajnabi dost"
  LoVE's PAiN

Tumhara Kehna Hai

Tumhara Kehna Hai

Tumhara Kehna Hai
Tum Mujhey Be Panha Shiddat Se Chahtay Ho

Tumhari Chahat

Visaal Ki Akhri Hadhon Tak

Meray Faqat Meray Naam Hogi

Mujhey Yaqeen Hai,Mujhey Yaqeen Hai

Magar Kasam Khanay Walay Larkay!!!

Tumhari Ankhon Main Aik Til Hai

"2 Ajnabi dost"

   LovE's PAin

Ab aa bhi chuko

Ab aa bhi chuko

.................... ..............

Mere aangan ki har phool kali
Ab khil bhi chuki
Ab murjhaaii
Ab khaak bani
Ab aa bhi chuko

Ab mehfil ki shamma' bhi bujhi
Ab shaam dhali
Ab sahar huii
Ab aa bhi chuko

YuuN badli hai mosam ki ada'
Har simt hawa aor kaali ghata'
Ab yaadoN ki barsaat huii
Ab aa bhi chuko

Mere' dil par har suu dhund chaaii
Ab har soorat dhundhla si gaii
Ab tuu bhi bani ik parchaaii
Ab aa bhi chuko

"2 Ajnabi dost"

   LovE's PAin

~* Wo larki *~

~* Wo larki *~

Ajab pagal si larki hai

Mujhe her roz kehti hai

Batao kuch naya likha?

Kabhi is se ye kehta hoon

K maine nazm likhi hai

Mager unwan dena hai

Bohat baytab hotti hai

wo kehti hai Sunao

Main isse acha sa ik

unwan deti hoon

wo meri nazm sunti hai

Aur us ki boalti ankhain

Kissi missraykissi tashbeeh per

yun muskurati hain

Mujhe lafzoon se kirnain

phooteti mehsoos hotti hain

wo phir is nazm ko acha sa

ik unwan daiti hai

Aur is k akhiri missra k neeche

Ik adaa-e-baynayazi se

wo apna naam likthi hai

Main kehta hoon Sunoo

Ye nazm meri hai

To phir tum ne

appne naam se mansoob ker li hai

Meri ye baat sun kar us ki ankhain

muskurati hain

wo kehti hai sunoo

Saada sa rishta hai

K jaise tum mere ho....

is terha ye nazm b meri hai........

Ajab pagal si larki hai.........!

 

 

"2 Ajnabi dost"

   LovE's PAiN

~* Is larki ne piyar kiya hai *~

~* Is larki ne piyar kiya hai *~

Kitna Hansta Chehra..!
Kitnay Dukh mein Doob Gaya hay,,
Pheeki Rangat, Bheegi Palkein,,
Bikhray Gaisoo.....
Ghor Karo to...
Khud Bolein Gay...!
Is larki ne piyar kiya hai..!!!

"2 Ajnabi dost"
  LoVe'S paiN