*.*.* ye kesa saal guzra hai *.*.*

*.*.* ye kesa saal guzra hai *.*.*

Abhi to saal guzra tha

Abhi tum saath thay mere

Isi khaamosh saahil per

bohat gum sum se bethay thay

Kisi tasveer jese thay

Agar main sach kahon jana

Meri tabeer jese thay

Jahan per tum ne khagaz ki

Bohat choti c nao ko

Bari chahat se himmat se

Samandar mein utara tha

Bohat dilkash nazara tha

Tmhare hosle per kis qadar

heraan ye lehrain

Tumhain hairat se takti then

Bipherti thin machlti then

Magar tum un se bey perwa

bas apni soch mai gum thay

Hamari aankh mai tum thay

Tumhe kuch yaad hai picnic per

hum ne geet gaya tha

Tumhain dil mein basaya tha

Jahan hum tum se milay thay

Or phir aankhon he aankhon mein

Kai sadyaan guzaari thein

Meri saansain tumhari thein

Abhi to saal guzra tha

K jab tum mere shaano per

Achanak haath rakh ker

chupke chupke mujh se kehti thi

Mohabbat to ibadat hai

mohabbat to sa'aadat hai

Mohabbat faiz ka daria hai

jise din raat behna hai

Hamain ek saath rehna hai

Ye dukh sukh saath sehna hai

Abhi kuch dair he pehle

Tumhari aankh k jhil mil

tarayHum se kehtay thay

hamara naam lete thay

hamain peghaam dete thay

Tumhara saath na choothay

Hamara khwaab na tootay

Magar ye saal kesa hai...??

Kisi ne bhi nahi poocha

hamara haal kesa hai..??

Wohi saahil wohi mosam

wohi qissay wohi rastay

Wohi sab kuch to hai jana

Magar ab tum nahi meray

Bas aik ehsaas rehta hai

Gaya waqt lamhe lamhe

aansoon k saath behta hai

Ye kesa saal guzra hai..??

Ye kesa saal guzra hai...???


"2 Ajnabi dost"
  LovE's PaiN