Guriya aaj bhi andhi hai
Khailtay khailtay dono main say
Aik nay doojay ki guriya ki noch li aankhain
Larki .................... .....cheekhi !
Dekho , tum nay meri guriya andhi kar dee
Ab sapnay kaisay dekhay gi ???
Larka naadim ho kar bola ......
Main jab abbu jitna ho kar , shehar gaya to ,
Yeh wada karta hoon tum say ,
Sab say pehlay ,
Iss ki aankhain laoon ga
Suna hai shehar gaya woh ik din
Janay iss k baad huwa kya ,
Yeh maloom nahi hai lekin
Aaj achanak uss larki ko raah main dekha
Haath uss k ik guriya thi
Haan batlaana bhool gaee main ,
Guriya aaj bhi andhi hai ....... !
"2 Ajnabi dost"
03132174713
No comments:
Post a Comment