KAHAANI KHATAM HOTI HAY

(* KAHAANI KHATAM HOTI HAY *)

Suna hay Rai'gaani ki kahaani likh rahe ho tum..??

Kahaan se lafz laao ge ??

Ibaarat kya banaao ge ??

Jo lehje main hay dukhh ka zaaiqa

Kaise chupaaoge ??

Agar tehreer likho ge

Mohabat ki gawa'hi se

Judaaii ki siya'hi se

Qalam ki aankh roye gi

Sabhhi asloob

Saare sit'aare roothh jaayn ge

Jo dil par bandh hain baandhe

Wo saare toot jaayn ge

Kisi likh kar mit'taii satar par Jab dhe'yaan thehre ga

To ek be-naam rishtaa

Zeest ka unwaan thehre ga

Use jhutlaao ge kaise ??

Bayaan kar paaoge kaise ??

Azeeyat k hawaalon ko

Mohabbat ki misaalon ko

Kisi kirdaar k dil par pade Zakhmon ko,

chhaalon ko

Bikharte khuwaab likho ge

Ruke sailaab likho ge

Kahaani main jahan par hijr ka tum baab likho ge

Kaho ...... Hai taab ??

Likho ge......?????

Kahaani Main amooman aakhri saf'he pe aa kar hi

Diloon k chaak silte hain

Ya wirse dukhh k milte hain

Magar tum khool bethe ho yeh saf'ha shaam se pehle

Maqaam-e-sabr se pehle

Hadd-e-ilzaam se pehle

Kahaani khatam hi karni hai agar

Anjaam se pehle

To yeh bhi faisla kar do

K hum likhain to kya likhain..?

Tumhare naam se pehle...~*~\

"2 Ajnabi dost"

 WantEd LArKA