Teri ik nigah per nisar hay

Ik bar phir kaho zara, kay meri sari kainaat
Teri ik nigah per nisar hay

Meri teera zindagi ka noor too
Jannat-e-arzi, maiN rashk-e-hoor too
Lazzat-e-jaan, rahat-e-qalb-e-hazeen
Ishrat-e-nazzara, mehvesh, mehjabeen

Ik bar phir kaho zara,
kay too bohat haseen hay
Nigah main shabab ka khumar hay

Sharm kay parday main pinhaan shokhiyan
Muskurahat main nihaan hon bijliyan
Her ada teri mujhay merghoob hay
Dehr ki her cheese say mehboob hay

Ik bar phir kaho zara ,
kay paiker-e-fani hay kya
Kay dil to teri rooh per nisar hay

Jism fani, husn bhi fani mera
Jazb-e-dil lekin hay lafani mera
Mard herjai hay her gul per nisar
Dil magar deti hay aurat aik bar
Ik bar phir kaho zara ,
kay mujh ko ghair ka khayal
Tauba tauba sakht nagavar hay

Man vohi hoon, man badal sakti nahin
Doosray saanchay main dhal sakti nahin
Ab teri taiver, teray qaul aur hain
Man kahan ab qabil-e-ghaur aur hain
Ik bar phir kaho zara ,
kay mera ishq Mehr aur maah
say ziyada paidar hay

Meray sir ki jhooti qasmain kya hooin
Zahiri ulfat ki rasmain kya hooin
Girya-e-paihem vo uljhan kya hui
Aanch ki tezi vo dharkan kya hui
Ik bar phir kaho zara,
kay mera ishq Ustuvar
rooh say ziyada ustuvar hay

Baandh ker ehd-e-vafa torra to kya
Sheesha-e-dil torr ker jorra to kya
Sub samajhto hoon magar maazoor hoon
Dil ki iss feryaad say majboor hoon
Ik bar phir kaho zara,
kay meri sari kainaat
Teri ik nigah per nisar hay....!!!!


[jINNU RidEr]
 REAL dEvIL