Aafreen, Aafreen,

Husn-e-Jaana Ki Taareef Mumkin Nahin

Aafreen, Aafreen,Aafreen, Aafreen

Too Bhi Dekhe Agar To Kahe Ham-Nashin

Aafreen, Aafreen,Aafreen, Aafreen





Aisa Dekha Nahin Khubsurat Koi

Jism Jaise Ajanta Ki Murat Koi

Jism Jaise Nigahon Pe Jadu Koi

Jism Nagma Koi Jism Khushboo Koi

Jism Jaise Machalti Hui Raagini

Jism Jaise Mehakti Hui Chaandni

Jism Jaise Ke Khilta Hua Ik Chaman

Jism Jaise Ke Suraj Ki Pehli Kiran

Jism Tarsha Hua Dil-Kash-o-Dil-Nashin

Sandali Sandali, Marmari Marmari

Aafreen Aafreen

Chehra Ik Phuul Ki Tarah Shadab Hai

Chehra Uska Hai Ya Koi Mehtaab Hai

Chehra Jaise Ghazal, Chehra Jaan-e-Ghazal

Chehra Jaise Kali, Chehra Jaise Kanwal

Chehra Jaise Tasavvur Ki Tasveer Bhi

Chehra Ik Khwaab Bhi Chehra Tabeer Bhi

Chehra Koi Alif Lailavi Daastaan

Chehra Ik Pal Yaqeen Chehra Ik Pal Gumaan

Chehra Jaise Ke Chehra Koi Bhi Nahin

Mah-Rooh Mah-Rooh, Mah-Jabin Mah-Jabin

Aafreen Aafreen


Aankhein Dekhi To Main Dekhta Reh Gaya

Jaam Do Aur Donon Hi Do Aatishah

Aankhein Ya Maikade Ke Ye Do Baab Hain

Aankhein Inko Kahuun Ya Kahuun Khwaab Hain

Aankhein Neechi HuiiN To Haya Ban Gayii

Aankhein Oonchi HuiiN To Dua Ban Gayii

Aankhein Jhuk Kar UthiiN To Ada Ban Gayii

Ankhen Uth Kar Jhuki To Kaza Ban Gayii

Aankhein Jin Mein Hain Qaid Aasmaan-o-ZamiiN

Nargisi Nargisi, Surmayi Surmayi

Aafreen Aafreen


Zulf-e-Jaana Ki Bhi Lambi Hai DaastaaN

Zulf Ke Mere Dil Per Hai ParchaiyaaN

Zulf Jaise Ke Ummdi Hui Ho Ghata

Zulf Jaise Ke Ho Koi Kaali Bala

Zulf Uljhe To Duniya Pareshaan Ho

Zulf Suljhe To Ye Geet Aasaan Ho

Zulf Bikhre Siyaah Raat Chhaane Lage

Zulf Lehraaye To Raat Gaane Lage

Zulf Zanjeer Hai Phir Bhi Kitni Hasiin

Reshmi Reshmi, AmbariiN Ambariin

Aafreen Aafreen,Aafreen Aafreen,Aafreen Aafreen


"2 Ajnabi dost"
No ObBjEcTiOn