Aray Pagal

 

Salam Frnds,
umeed hai aap sab ko pasand aaey gi ......

Kaha tha na

Mujhe tum is tarha sotey huye mat chor kar jana

Mujhe beshak jaga dena

Bata dena

Mohabbat ke safar mein saath mere chal nahin saktay

Judayee ke safar mein mere saath chal nahin saktay

Tumhein rasta badalna hai

Meri had say nikalna hai

Tumhein kis baat ka darr tha ?

Tumhein janay nahin deti ?

Kahein per qaid kar letii ?

Aray Pagal

Mohabbat ki tabyat mein zabardasti nahin hoti

Jisay rasta badalna ho usay rasta badalney se

Jisay had se nikalna ho usay had se nikalney se

Na koi rok paya hai

Na koi rok paye ga

Tumhein kis baat ka darr tha

Mujhe beshak jaga detay

Main tum ko dekh hi leti

Tumhein koi duaa deti

Kam-az-kam yuun to na hota

Mere saath haqeeqat hai

Tumaray baad khonay ke liye aab kuch nahi baaqi

Magar khonay se darti hoon

Main ab sonay se darti hoon