Main sochti hoon

Main aaj bhi chup hoon
Main kal bhi chup thee
Loag kehtay hain kuch to bolo
Apni khamoshi ke band kholo
Main sochti hoon kya boloon
Jo kuch mere dil main hai kis se kahoon?
Un say jo nahin jantay
Jazbon ki haqeeqat kya hai
Rooh kay sannaton main ghulti hooi
Qatra qatra see azeeat kya hai
Jo samajhtay hain ke insaam faqt
Chand ashyaa-e-zaroorat ka hai mohtaj
Yeh mohabbatain yeh rafaqatain
Yeh khuloos-o-wafa ki rahatain
Sab bay mani lafzon ke gharonday hain
Jin main baaith kar insaan
Haqeeqaton se faraar chahta hai
Magar meri soach in say mukhtalif hai
Aur ye he tanao ye he nafraton ka baais hai
Main kal bhi chup thee
Main aaj bhi chup hoon


"2 Ajnabi dost"
No time 4 LovE

Ajab Pagal Si Larki Hai

Ajab Pagal Si Larki Hai
Mujhay har khat main likhti hai
“Mujhay tum yaad kartay ho?
Tumhain main yaad aati hooN?”
Meri baatain satati hain
Meri neendain jagati hain
Meri aankhain rulaati hain
December ki sunehri dhoop main ab bhi teheltay ho?
Kisi khamosh rastay se
Koi awaaz aati hai?
Thatharti sard raatoN main
Tum abb bhi chhat pe jaatay ho?
Falak k sab sitaroN ko
Meri baatain sunatay ho?
KitaboN se tumharay ishq main koi kami aai?
Ya meri yaad ki shiddat se aankhoN main nami aai?
Ajab pagal Si larki hai
Mujhay har khat main likhti hai..
Jawaban us ko likhta hooN..
Meri masroofiyat dekho subah se shaam office main
Charagh-e-umr jalta hai
Phir us k baad dunya ki
Kayee majbooriyan pao`n main bairi daal rakhti hain
mujhay be-fikr, chahat se bharay sapnay nahin dikhtay
Tehelnay, jagnay, ronay ki mohlat hi nahin milti
sitaroN se milay arsa hua..naraz hon shayad!
KitaboN se shaghaf mera abhi waisay hi qayem hai
Farq itna parra hai ab unhain arsay main parhta hooN
Tumhain kis ne kaha pagli tumhain main yaad karta hooN
K main khud ko bhulanay ki musalsal justajoo main hooN
Tumhain na yaad aanay ki musalsal justajoo main hooN
Magar yeh justajoo meri bohat nakaam rehti hai
Mere din raat main ab bhi tumhari shaam rehti hai
Mere lafzoN ki har maala tumharay naam rehti hai
Tumhain kis ne kaha pagli tumhain main yaad karta hooN
Purani baat hai jo log aksar gungunatay hain
unhain ham yaad kertay hain jinhain ham bhool jatay hain
Ajab pagal si lerki ho
Meri masroofiyat daikho
Tumhain dil se bhulaoN to tumhari yaad aaye na
Tumhain dil se bulanay ki mujhay fursat nahin milti
Aur is masroof jeewan main
Tumahray khat ka ik jumla
“Tumhain main yaad aati hooN ?”
Meri chahat ki shiddat main kami honay nahin daita
Bohat raatain jagata hai mujhay sonay nahin daita
So agli baar apnay khat main yeh jumla nahin likhna
Ajab pagal si larki hai mujhay phir bhi yeh likhti hai
Mujhay tum yaad kartay ho tumhain main yaad aati hooN...!!

"2 Ajnabi dost"

No Time 4 Love

Tujh say naraz nahi

Tujh say naraz nahi zindagi, Hairan hoon main
Teray masoom sawalon say pareshan hoon main
Jeenay k liye soch he nahi, dard sambhalnay hoan gain
Muskuraein tou muskuranay k karz utaarnay hoon gay
Muskuraon kabhi to lagta hai
Jaisay honton pay karz rakha hai
Tujh say naraz nahi zindagi, Hairan hoon main

Aaj agar bhar aaie hai boondain baras jayen gee
Kal kiya pata inn k liye aankhain taras jayen gee
Janay kahan ghum hua
Aik ansoo chupa k rakha thaa
Tujh say naraz nahi zindagi , hairan hoon main

Zindagi teray ghum nay humain rishtay naye samjhye
Milay jo humain dhoop main milay, chaoon k thanday saye
Tujh say naraz nahi zindagi, Hairan hoon main
Teray masoon sawaloon say pareshan hoon main 

"2 Ajnabi dost"

No TiME 4 LovE

Na jane kyu ho raha hai is Dil ko

Na jane kyu ho raha hai is Dil ko,
Shaayad fir koi yaad aa raha hai is Dil ko,
Nahi Chahati main fir kuch likhna or sochna,
Par uski yaad hai jo chali aa rahi hai,
Kya ye sach hai ya mera Vaham,
Ki mera Dil jodne wala hi Dil todde ja raha hai mera,
Kyun nahi kahti hu main use sabke samne,
Par akele me wo sabse karib lagta hai mere Dil ke,
Janti hu main kabhi paa nahi sakti usefir bhi,
Kya hoga agar mil jaaye wo mujhe kal ko,
Itna chahata raha jise ye Dil-O-Jaan se,
Par koi to samjhe is khambhakt dil ko,
Na jaane aaj fir kya ho raha hai……………
Ye mujhse behtar is Dil me rehne wala hi jaanta hai………


"2 Ajnabi dost"
  No TimE 4 LovE

Kayi TareeQ Chehre Hai,

Kayi TareeQ Chehre Hai,
Jinhe Main Bhool Sakta Tha,
Unhe Main Bhool Bhi Jaata,
Agar
Mere Zehen Ka Ye Khala Pur Ho Chuka Hota,
Meri Kuchli Hui Khudariyon Ke Nakhl,
Phir Se Sabz Ho Jaate,
Agar
Main Aap Hi Apni Shikaston Ka
Sabab Bankar Na Reh Jaata,
Agar
Sabke Ravaiyon Se,
Mujhe Ye Baar Baar,
Ehsaas Na Hota,
Ke Meri Shakhsiyat Hi Namukammal Hai,
Adhuri Shakhsiyat Meri
Adhuri, Zindagi Ki Har Kahani Hai,
Wo Chahe Daastan-E-IshQ Ho,
Ya Daastan-E-Gam,
Wo Gam Chahe Judayi Ka Ho,
Ya Chahe Gam-E-Dauraan,
Gam-E-Dauran Ho Ya Chahe Gam-E-Deen Ho,
Sabhi Kuch Namukammal Hai,
Main Kya Tha
Aur Na Jane Main Kya Banta
Magar Tareek Se Chehron Ki Zehreeli
Adaon,
Kaavishon Ne,
Haif! Mujhko Kya Bana Dala,
Main Un Tareek Chehron Ko,
Bhula Sakta Tha Yaaron
Aur Main Ab Tak To Unko Bhool Bhi Jaata
MagaR......

 

 

"2 Ajnabi dost"

No TimE 4 LovE